تصميم Search Autocomplete

المطلوب

تكتب sys فيظهرلك أشهر ٥ عمليات بحث بتبدأ بيها. لازم يكون سريع جدًا (تقريبًا أقل من ١٠٠ms)، مرتب بالشهرة، ويستحمل ترافيك عالي.

الـ Trie

شجرة كل نود فيها حرف، وكل مسار من الجذر = كلمة. البحث عن prefix = تمشي في الشجرة.

تحسينين أساسيين بيخلوا الاقتراح يطلع من غير ما تلف على الشجرة كلها:

1. حدّد طول الـ prefix (الناس نادرًا بتكتب طويل) فتوصل للنود بسرعة.
2. خزّن top-k في كل نود. مش محتاج تلف على كل الفروع، النتيجة جاهزة. بتدفع ميموري أكتر مقابل سرعة.

خدمتين منفصلتين

• Data gathering: مش real-time. الـ trie بيتبني من جديد كل أسبوع مثلًا. إلا لو زي تويتر محتاج تحديث أسرع.
• Query service: بيقرا من الكاش. تسريع إضافي: AJAX، كاش البراوزر (Cache-Control)، و data sampling في اللوجز.
• Filter layer: يشيل الاقتراحات المسيئة أو الخطيرة قبل ما توصل لليوزر.
• Sharding: التقسيم بأول حرف مش عادل (حروف أشهر من حروف). Shard Map Manager يوزّع حسب الحجم الحقيقي للداتا.

Checklist الـ Autocomplete

• البحث prefix على trie مش LIKE على جدول.
• كل نود فيها top-k جاهز.
• بناء الـ trie خدمة لوحدها، مش في طريق الريكوست.
• فيه فلتر للاقتراحات المسيئة.
• الـ sharding مش بأول حرف لوحده.